Иран бийликтери абактан чыгарган соң мекенине кайтып келген АКШ жарандары ырасмий Тегеранды алар эч кандай мыйзам бузушпаганын, америкалык болгону үчүн гана “барымтага кармалганын” билдиришти. Шейн Бауэр менен Жош Фэтталдын сөзүнчө, Тегерандын Эвин түрмөсүндө отурушканда уруп-кыйноого чыдабай онтоп-кыйкырган арестанттардын үнүн угушкан. Бул экөө өткөн шаршемби күнү 1 млн. доллар күрөө төлөнүп, Оманга койо берилген эле.
Бауэр, Фэттал жана Сара Шурд 2009-жылы июлда Иракта кыдырып жүрүп, Иран тарапка өтүп кетип, колго түшкөн.
Бауэр, Фэттал жана Сара Шурд 2009-жылы июлда Иракта кыдырып жүрүп, Иран тарапка өтүп кетип, колго түшкөн.
