Баткен облусунун 3 мектебинин окуучулары 13 жайкы чатырда окуп жатышат. Облус губернаторунун биринчи орун басары Карамат Орозова “Азаттыкка” маалымдашынча, 20-июлдагы жер титирөөдө 64 мектеп зыянга учураган. Алардын 27си капиталдык ремонтко муктаж деп комиссия тыянак чыгарган. Ал эми төрт мектепти кайрадан куруш керек. “Бирок окуу процессин үзгүлттүккө учуратпайбыз”, -деди Карамат Орозова. 20-июлда болгон жер титирөөнүн очогу Кадамжай районуна келип, силкинүүнүн күчү 7 баллга жеткен болчу. (KE/RK)