Ош базарынын тегерегиндеги жайма базарларда соода кылгандардын баары тегиз кетирилиши керек. Мындай талап менен бүгүн Бишкектин Ленин районунун аймагында жайгашкан "Дордой-Моторс" соода борборунун 50-60 соодагери чыкты. Алар негизги автожолдун боюна чогулуп, нааразылык акциясын өткөрүштү. Бул тууралуу "Азаттыкка" райондук милициядан кабарлашты.
Ал соодагерлер мурда Ош базарынын тегерегинде иштешчү. Шаар бийлигинин чечими менен "Дордой-Моторско" көчүрүлгөн. Бирок алар кетип, калгандар дагы эле баягыдай иштеп жатканына нааразы. Мындан тышкары "Дордой-Дыйкан" базарынан Кара-Балта тарапка каттаган маршруттук унаа үчүн бекет куруп берүү, ижара акысын азырынча талап кылбай туруу өтүнүчү да айтылды. Митингге чыккандар менен район акими Алтынай Өмүрбекова жолугушуп, 11-октябрга чейин алардын койгон талаптары боюнча маселе такталып, маалымат берилээрин убада кылды. Шаар бийлиги Ош базарынын тегерегиндеги күркөлөрдүн баары алынып, жайма базарлар тазаланаарын айтып келет. (RK)
Ал соодагерлер мурда Ош базарынын тегерегинде иштешчү. Шаар бийлигинин чечими менен "Дордой-Моторско" көчүрүлгөн. Бирок алар кетип, калгандар дагы эле баягыдай иштеп жатканына нааразы. Мындан тышкары "Дордой-Дыйкан" базарынан Кара-Балта тарапка каттаган маршруттук унаа үчүн бекет куруп берүү, ижара акысын азырынча талап кылбай туруу өтүнүчү да айтылды. Митингге чыккандар менен район акими Алтынай Өмүрбекова жолугушуп, 11-октябрга чейин алардын койгон талаптары боюнча маселе такталып, маалымат берилээрин убада кылды. Шаар бийлиги Ош базарынын тегерегиндеги күркөлөрдүн баары алынып, жайма базарлар тазаланаарын айтып келет. (RK)