Ливиянын Сирте шаарында Каддафинин күчтөрүнүн негизги базасы саналган университеттин аймагын утурумдук өкмөттүн күчтөрү ээлешкенин айтышууда. Өлкөдөгү Улуттук Өткөөл кеңештин өкүлдөрү бийликтен кулатылган лидер Муаммар Каддафинин кичи мекени Сиртени толук ээлешкенде, “жеңишке жеткенин” жарыялай турганын айтышты. Анткени мамлекеттеги бүт аба майдандары менен порттор алардын көзөмөлүнө өткөн болот. Анткен менен Каддафинин тарапкерлери менен атышуулар Бани Валид шаарында дале уланып жатканы кабарланууда.
