Босниялык сербдердин мурдагы аскер башчысы Ратко Младичтин өпкөсү сезгенген болушу мүмкүн экени тууралуу анын адвокаттарынын бири айткан эле. Трибунал азырынча анын ооруканага жаткырылганы тууралуу расмий билдирүү тарата элек. 69 жаштагы Младич 1990-жылдардагы согуш кылмыштары, анын ичинде, геноцид үчүн айыпталып, ушул тапта Гаага трибуналында соттолууда. Младич өзү өткөн аптадагы сот отурумуна катышып жатып, ден-соолугу начар экенин, өпкөсү ооруп жатканын билдирген.
