Ысык-Көлдүн Ак-Суу райондук өзгөчө кырдаалдар бөлүмүнүн башчысы Нурбек Асаналиевдин «Азаттыкка» билдиришинче, орусиялык альпинист Павел Трофимовду издөө иштери уланууда. Азырынча Трофимов кайсы туристтик агенттик аркылуу келгени белгисиз болгондуктан, анын тоого чыккан маршрутун тактоо да мүмкүн эмес болууда.Трофимовдун жоголгондугу тууралуу арыз 8-августта келип түшкөн. 28-июль күнү орусиянын жараны Трофимов Ысык-Көлдөгү Хан-Тенгри чокусун багынтканы кетип белгисиз жоголгон.(MK/RK)
