Багдад жардырууну Маликиге кол салуу аракети деп баалайт

Ирак бийлиги Багдадагы жардырууну премьер-министрдин өмүрүнө кол салуу аракети катары баалайт. Ушул апта башында Багдаддагы жанкечтинин жардыруусу премьер-министр Нури ал-Маликинин өмүрүнө кол салууга багытталган болушу мүмкүн. Бул тууралуу коопсуздук күчтөрүнүн өкүлү генерал-майор Касим ал-Мусави билдирди.

Учурда жардыруу боюнча иликтөө жүрүүдө. Азырынча жардырууда жанкечтиден башка дагы мерт болгондордун бар-жоктугу такталууда.

28-ноябрда АКШ вице-президенти Жо Байден Багдадга келгенде «жашыл аймак» деп аталган өкмөттүк имараттар жайгашкан жерде мина коюлган автоунаа жарылган.