Бишкекте өз өмүрүн өзү кыям деген үч адамды куткаруучулар сактап калышты. Бул тууралуу Өзгөчө кырдаалдар министрлиги кабарлайт. 12-декабрда күндүз 7-кичи райондо үч адам көп кабаттуу үйдүн 5-кабатынан бой таштаганга аракеттенишкен. Бирок Куткаруу кызматынын жана милициянын кызматкерлеринин аракеттери менен алардын өлүмүнө жол берилген жок. Өмүрүнө кол салам деген үч адамдын ким экени, мындай кадамга эмне себеп болгону тууралуу азырынча расмий маалымат жок. (RK)
