“Ар-намыс” фракциясынан өкмөт башчылыкка көрсөтүлгөн Акылбек Жапаров талапкерлигин алды. Бул тууралуу Социал-демократтар фракциясынан депутат Токтогул Туманов бүгүн парламентте журналисттердин суроосуна жооп берип жатып билдирди. Анын айтымында, Жапаров каржы министри болгусу келип жатат. Жаңы эле КСДП фракциясынын жыйыны соңуна чыкты. Азыр саат беште коалициялык көпчүлүктү кураган фракциялар жыйынга чогулуп, “жумшак” рейтинг менен өкмөт башчылык кызматка талапкерлерди аныктаганы жатат. (EBM)
