Орусия: Ыраакы Чыгыштагы кырсыкта 16 адам набыт болду

Сахалиндеги кырсыкта 16 адам набыт болгону ырасмий маалымдалды.
Орусиянын Ыраакы Чыгышындагы деңизге чөккөн платформада бардыгы 67 жумушчу иштеп жаткан. Табигый апааттан кийин 14 адам куткарылган болчу. Сахалин аралына жакын деңиздеги мунай бургулоочу платформа жекшемби күнү катуу ураганда оодарылып калган эле. Орус маалымат булактарынын кабарлашынча, жакындарын жоготкон үй-бүлөлөргө 3 миллион рубль же 93 640 доллардан компенсация төлөнөт.