Кытай эмки жылы Тибетте дүйнөдөгү эң бийик жайгашкан аэропорт курат. Деңиз деңгээлинен 4 миң 436 мтер бийиктикте орун алган аэропорт Нагчу шаарында салынмакчы. Тибетте аскерий эмес 5 аэропорт бар. Бирок кеминде экөө аба ырайына байланыштуу жылына бир нече ай гана ачык болот. Бээжин жаңы аэропорт менен кошо автотрассаларды, темир жолдорун салуу Тибеттеги жашоо стандарттарын көтөрүүгө өбөлгө түзөт деп ырастоодо. Тибеттик активисттер болсо эми Кытай тараптан мигранттардын агымы күчөйт дешет.
