Чүйдүн Панфилов районундагы Кайынды айылында жайгашкан жеке мунай базада өрт чыгып, жарылуудан 4 адам набыт болду. Бул тууралуу "Азаттыкка" Чүй облустук ички иштер башкы башкармалыгынын жетекчиси Бактыбек Жусубалиев билдирди. Анын айтымында, алдын ала маалыматтар боюнча, 4 адам набыт болду, бир жарадар киши ооруканага жеткирилди. Кырсыктын себеби өрт коопсуздугунун эрежелери сакталбаганы айтылууда. Ушу тапта өрт толугу бойдон өчүрүлдү. (RK)
