Египет соту аялдардын никеси жок туруп, жыныстык катнашка барып-барбаганын текшерүү жөнүндөгү аскерий жетекчиликтин буйругун токтоттурду. Египет армиясы мартта Каирдин ортосундагы Тахрир аянтындагы демонстрация кезинде кармалган Самира Ибрагим башындагы алты аялды ушундай текшерүүдөн күчтөп өткөрткөн. Соттун чечимин Самира айым “бүтүн Египет аялдарынын жеңиши” деп атады.
