Бишкектин четиндеги Байтик айылында СССРдин эл артиси, белгилүү актер, чыгаан сүрөтчү Сүймөнкул Чокморовдун жаркын элесине арналган мемориалдык комплекс ачылат. Бул тууралуу бүгүн Кыргыз-Түрк "Манас" университетинде өткөн “Сүймөнкул Чокморов – түрк дүйнөсүнүн жылдызы” аттуу сынактын жыйынтыгын чыгаруу салтанатында айтылды. Чокморов “Караш-караш”, “Улан”, “Жетинчи ок”, “Жамиля”, “Көк серек”, “Кызыл алма”, “Уркуя” тасмаларындагы негизги образдарды жараткан. 1992-жылы 53 жашында каза болгон. (RK)
