Талас облусунун Бакай-Ата районунун “Бош-Моюн” каналынын жүз метр аралыгына муз тоңуп, үч жеринен суу ашты. Бул тууралуу Өзгөчө кырдаалдар министрлигини басма сөз кызматынан кабарлашты. Ашкан суу Талас - Тараз - Суусамыр унаа жолунун 63-66-чакырымын каптап кетти. Учурда канал менен жол тазаланып жатат. Мындан тышкары облустагы Талас жана Ур-Марал дарыяларына да муз тоңуп, жергиликтүү эл тарабынан күзөт уюштурулууда. (KKs)