Парламенттин бүгүнкү жыйынында депутат Ирина Карамушкина түрмөлөрдө кылмыш төбөлдөрү криминалдык чөйрөгө аралашпаган адамдардын ур-токмокко алып жатканын билдирди. Анын айтымында, төбөлдөр абактагылардан 10 миң сомго чейин акча таап келишин талап кылып жатышат. Депутатка мындай маалымат абакта жакыны жаткан адамдан келген. Ирина Карамушкина түрмөлөрдө тартип орнотуу аракетине кылмыш дүйнөсү баш бербей жатканын, мындан улам абактагы ачкачылыкка кайрадан көңүл буруу зарылдыгын белгиледи. (KKs)
