Грузиянын мамлекеттик статистика мекемеси билдиргенине караганда, шарап экспорту былтыр дээрлик 40 пайызга көбөйдү. Шарап сатуудан 54 миллион доллардан ашык акча түшкөн, 2005-жылы Грузия 80 миллион доллар киреше тапкан. Бирок Орусия санитардык нормалар сакталган эмес деп, грузиялык шарап импортун токтоттуруп койгон. Грузиянын айыл чарба министринин орун басары Ия Жанашвили эмбаргого карабай, жылыш чоң экенин айтты.
