Кыргызстандагы адам укугунун абалы талкууланууда

"Адам укугунун сакталышында жана мыйзам бийлигине жетишүүдө жарандык коомдун ролу” деп аталган эки күндүк семинар ишин улантат. Бүгүн анын катышуучулары коррупция менен күрөшүүдө, сот системасын жана милицияны реформалоодо, кыйноолордун алдын алуудагы жарандык коомдун ролун талкуулашат.

Иш-чарага жергиликтүү жана эл аралык эксперттер, Евробиримдиктин жана кыргыз бийлигинин өкүлдөрү катышууда. Семинар кечээтен тарта Бишкектеги “Ак кеме” мейманканасында өтүүдө.(ZKo)