Ушу тапта Оштун борборунда эки жүздөй киши чогулуп, Ош технологиялык университетинде жолугушуу өткөрүп жаткан президент Алмазбек Атамбаев өтө турган жолду торойбуз деп турушканын кабарчыбыз маалымдайт. Алар 5-февралда киши колдуу болгон 23 жаштагы Эрнис Машраповдун өлүмүнө тиешелүүлөрдү катуу жазалоону талап кылышууда. Чогулгандар менен ички иштер министринин орун басары Курсан Асанов жолугуп, бул кылмыштын жүзү ачылганын, эки адам кармалганын айтты. (ErN/RK)
