Азербайжан мамлекет башчысы Илхам Алиев өлкө 2020-жылкы жайкы Олимпиада оюндарын кабыл алууга даяр деп билдирди. Президент кечээ Бакудагы Олимпиадалык комплексти ачуу аземине катышкан. Алиевдин айтымында, буга чейин Азербайжанда Европанын жана дүйнөнүн биринчиликтери өткөрүлүп келген, андыктан өлкөнүн 2020-жылкы Олимпиаданы кабыл алуу мүмкүнчүлүгү бар. Президент ошондой эле стабилдүү жана саясий-социалдык жактан тынч Азербайжан коопсуздукту камсыздай алат деп ишендирди.
