Ушул айдын соңунда Бишкекте Кыргызстан менен Бириккен Араб Эмираттарынын ортосунда кызматташтыкты өркүндөтүү багытында сүйлөшүү өтөт. Бул тууралуу Тышкы иштер министрлиги кабарлайт. 13-мартта Кыргызстандын БАЭдеги башкы консулу Кубанычбек Өмүралиев аталган өлкөнүн Тышкы иштер министрлигинин Дубайдагы кеңсесинин директору Абдрахман Алшаманлян менен жолугушуп, эки тараптуу кызматташтык маселелерин талкуулады. Ортодо мыйзамдык-укуктук база азырынча түптөлө электиги, бул багытта аракеттер жасала баштаганы айтылды. (RK)