Оштун Алай районунда Ош – Сары-Таш – Эркеч-Там унаа жолунун 218-238-чакырымдары (Тон-Мурун ашуусу) катуу бороондун кесепетинен убактылуу жабык турат. Бул тууралуу Өзгөчө кырдаалдар министрлигинин маалымат катчысы Абдишарип Бекилов билдирди. Азыркы убакта аталган участокто болжол менен 100 оор жүк ташуучу унаа токтоп турат. Айдоочуларды жана жүргүнчүлөрду тамак-аш менен камсыз кылуу үчүн 300 даана нан, 250 литр суу, 250 банка эт консерва, 250 куту тамеки, 100 куту ширеңке жөнөтүлдү. Бүгүн Кыргызстандын дээрлик баардык аймактарында кар жаап жатат. (RK)
