Орусиянын президенттигине мурдагы талапкер Михаил Прохоров өзү түзүп жаткан жаңы партиясын кандайча атоону интернет колдонуучуларынан сурамжылап жатат. Добуш берүү Прохоровдун расмий сайтында жүрүүдө. Ал интернет колдонуучуларга 90 атты сунуштады, бирок уюштуруу комитети сурамжылоодон көп добуш алган 10 атты иргеп алышат. Ушул тапта интернет колдонуучулар “Жаңы Орусия” деген аталышка эң көп добуш беришти. Андан кийинки орунда “Орусия демократиялык партиясы” деген аталыш турат.
