Бүгүн түрк аскерлери менен ишмердүүлүгүнө тыюу салынган Күрд жумушчулар партиясынын мүчөлөрү ортосунда атышуу болуп, 7 жоочу набыт болду. Шаршембиден бери түрк армиясы жана полициясы Ширнак провинциясында ири операцияларды өткөрүп жатат. Операциянын жүрүшүндө кечээ 6 аскер, бүгүн дагы бир аскер окко учуп, алты полиция жарадар болду. Нооруз майрамын белгилөө учурунда чыккан жаңжалдан кийин Түркиянын күрддөр жашаган райондорунда абал оор бойдон калууда. Кечээ Нооруз майрамын белгилеп жаткан учурда күрд активисттери топтолгон элге саясий чакырыктарды жасашкан болчу.
