Украиналык доктурлар абакта отурган экс-премьер-министр Юлия Тимошенко дарыланууга муктаж экенин моюнга алышты. "Кызмат абалынан кыянаттык менен пайдаланган" деп 7 жылга кесилген Тимошенко учурда Харьковдогу колонияда жаза мөөнөтүн өтөп жатат. Ал буга чейин жергиликтүү доктурлар тиешелүү жардам бербей жатышат деп, чет өлкөлүк адистердин текшерүүсүнөн өтүүнү талап кылган. Украиналык доктурлар Тимошенконун ден соолугу начар же керектүү жардам берилбей жатат деген айыптоолорду чекте кагып келишкен. Өкмөт өзү дайындаган "ак халатчандар" эми аны төгүнгө чыгарышты.
