Бүгүн Ош шаарында “Ишкерлер тынчтык жана өнүгүү үчүн” деп аталган экономикалык форум өтөт. Иш-чара Бириккен Улуттар Уюмунун өнүктүрүү программасынын алкагында уюштурулууда. Анда ишкерликти өнүктүрүүдө этностор аралык ажырымга жол бербөө, улуттар аралык жаңжалдарды болтурбоого салым кошуу, насыя маселелери талкууланат. Бул тууралуу “Азаттыкка” Ош менен Жалал-Абаддагы укукту жана бизнести өнүктүрүү фондунун өкүлү Искендер Бийназаров билдирди. (EBM)
