Түркияга Сириядан качкындар келе берсе, Анкара жардам сурап, Улуттар Уюмуна кайрылганга мажбур болушу ыктымал. Бул жөнүндө Түркиянын тышкы иштер министри Ахмет Даудоглу билдирди. Министрдин айтышынча, ал жума күнү БУУнун баш катчысы Пан Ги Мунга телефон кагып, акыркы 24 саатта өлкөгө Сириядан 2,5 миң адам качып өткөнүн, Түркиядагы жалпы качкындардын саны 24 миңге чыгайын деп калганын маалымдады.
