Исаков: Дыйкандар жазда жана күздө өтчү митингдерге каршы

Дыйкандар жазында жана күзүндө митингдерди токтотсоңор деп суранып жатышат. Бул тууралуу бүгүн парламентте дыйкандардын атынан сүйлөгөн Жогорку Кеңеш депутаты Эсенгул Исаков билдирди.

"Митингдер болушу керек. Бирок маселелерди конструктивдүү коюп, далилдеп, бир жыл убакыт өткөндө, отчеттук убагында чечим кабыл алынышы керек. Ошондо эл бийликти да, оппозицияны да туура тушүнөт", - деди Исаков.

Өкмөттүн отставкасын талап кылган оппозициянын митингдери буга чейин Ошто, Баткенде жана Жалал-Абадда өткөн. (RK)