Ооганстандын Улуттук коопсуздук башкармалыгынын өкүлү билдиргендей, 10 тонна жардыргыч зат жүк ташуучу автоунаадан табылды. Анын айтымында, чоң көлөмдөгү бул жардыргыч Кабулдагы эл жыш жайгашкан жерлерге коюлуп, көп сандагы адамдарды өлтүрүүгө даярдалган. Оор жүк ташуучу автоунаадагы картөшкөнүн арасына катылган 400 кап жардыргыч затты алып бараткан беш адам ошол замат колго түштү. Алар Пакистандагы талиптердин машыгуу мектебинин тарбияланычуулары деп болжолдонууда.
