Сириянын борбору Дамаск шаарында бүгүн автоунаага коюлган мина жарылып, үч киши жарадар болду. Бийлик бул жардырууга “террорчу топторду” айыптады. Хомс аймагынын бир канча райондорунда да бүгүн таң эрте өкмөттүк аскерлер аткылашканын күбөлөр билдиришүүдө. Оппозиция-бийлик ортосундагы кагылышуу өлкөнүн түндүк тарабындагы Идлиб провинциясында да токтобой жатат. Сирияга БУУ жана Араб өлкөлөрү сунуштаган жарашуу планы формалдуу бойдон калгандай. Кечээки күнкү кагылышта эле кеминде 60 киши набыт болду.
