Колумбияда француз журналист жоголду

France 24 телеканалынын кабарчысы Ромео Ланглуа ишембиде куралдуу ФАРК тобу менен аскерлер кагылышкандан бери дайынсыз. Кабарчы маң зат аткезчилигине каршы материал даярдоо үчүн аскердик топ менен кагылышуу болгон жерге барган. Куралдуу кагылышта 3 аскер, 1 полиция кызматкери набыт болуп, журналист менен кошо дагы төрт киши дайынсыз.

Айрым маалыматтар боюнча Колумбияда ФАРК тобу төрт жүзгө чамалуу адамдарды барымтада кармап турат.