Кыргызстандын түштүк облустарында жыл башынан берки үч ай ичинде диний экстремизм, терроризм боюнча 80ден ашык кылмыш иши катталды. Бул тууралуу “Азаттыкка” Ички иштер министрлигинин 10-башкармалыгынын түштүк аймагы боюнча орун басары Станбек Бакиров билдирди. Маалыматка ылайык, экстремизм фактылары былтыркы жылга салыштырмалуу көптүк кылат. Улуттук коопсуздук комитетинин жетекчиси Шамил Атаханов “Азаттыкка” билдиргендей, Кыргызстанда кооптуу делген сегиз диний уюм бар. Алардын эң кооптуусу “Хизб-ут Тахрир” болуп саналат. (EBM/KKs)
