Ак үй Орусиянын президенти Владимир Путиндин АКШда өтчү “Чоң сегиздик” саммитине катышпайм деген чечимине саясий баа бербейт. Вашингтондун өкүлү Жей Карнинин айтымында, жаңы эле шайланган президент Путин алдыда министрлер кабинетин түзүү жана башка көп иштери тургандыктан АКШ аны туура түшүнөт. “Чоң сегиздик” жыйынында жолугушууну максат кылган АКШ жана Орусия президенттери эми июнь айында Мексикадагы форумда жолугушмай болушту. АКШдагы саммитке Путиндин ордуна премьер-министр Дмитрий Медведев катыша турган болду.
