“Ата-Журт” фракциясынан депутат Нариман Түлеевдин кармалышынын себептерин териштириш үчүн бүгүн Жогорку Кеңеште жумушчу комиссия түзүлдү. Парламенттин жыйынында депутаттын 21-июнь күнү күч менен кармалышы тууралуу фактыны талкуулоодон кийин ушундай чечим кабыл алынды. Комиссияга “Республика” фракциясынан Нурбек Мурашев, “Ата-Журттан” Курманбек Осмонов, СДП фракциясынан Ыргал Кадыралиева жана “Ар Намыстан” Эристина Кочкорова кирди. "Ата Мекен" мүчө болуудан баш тартты.
