АКШнын Азык-түлүк жана дары-дармек боюнча агенттиги ВИЧти алдын алуучу дарыны жактырды. "Трувада" деген препаратты вирусту жугузуп алуу коркунучу жогору болгон, бирок инфекцияланбаган адамдар күнүгө колдонсо болот. Дары ВИЧти дарылабай турганы, аны профилактика катары ичүү керектиги өзгөчө белгиленет. Доктурлар аны менен катар коопсуз секс, доктурларга көрүнүү өңдүү СПИДди жугузуп албоо боюнча негизги эрежелерди сактоо керектигин эскертишет.
