Комиссия Маңзатты көзөмөлдөө кызматындагы алешемдиктерди тапты

Мекемелер аралык комиссия Маңзатты көзөмөлдөө боюнча мамлекеттик кызматтын ишин текшерүүнү аяктады. Ага ылайык, аталган кызматта бир топ олуттуу алешемдиктер бар экени аныкталды. Коргоо кеңеши комиссиянын корутундусун талкуулап, Маңзатты көзөмөлдөө кызматынын жетекчиси Виталий Орозалиевди кызматтан алуу тууралуу сунуш берди. Бул тууралуу президенттин маалымат кызматы кабарлады.

Мекемелер аралык комиссия президент Алмазбек Атамбаевдин көрсөтмөсү менен түзүлгөн. (EBM)