Орусиянын өкмөттүк “Аэрофлот” компаниясы келерки айдан тарта Дамаскиге уччу аба каттамын жүргүнчүлөр азайып кеткенден улам жабарын эскертти. Азыр “Аэрофлот” жумасына Москвадан Дамаскиге эки рейс жана артка дагы эки рейс учурат. Сирияда мурдагы Советтер Союзунда билим алган сириялыктар жана ал жакка күйөөгө чыгып кеткен он миңдеген орусиялыктар бар. Орусия Сириянын Башар Асад башындагы режимдин негизги союздаштарынын бири.
