Казакбаев: Кыргызстандагы саясий кырдаал саммитке таасир эткен жок

Тышкы иштер министри Руслан Казакбаев бул тууралуу бүгүн түрк тилдүү мамлекеттердин Бишкек саммитинен кийин маалымат жыйында “Азаттыктын” суроолоруна жооп берип жатып билдирди. Анын айтымында, коалициянын ыдырашы, фракциялардын өз ара кайым айтышы саммитке эч кандай таасирин тийгизген жок.

Буга чейин айрым байкоочулар Азербайжандын президенти Илхам Алиевдин келбей калышын, Түркиянын президенти Абдулла Гүлдүн эртеңки расмий сапарынан баш тартышын өлкө ичиндеги саясий олку-солкулук менен байланыштырып жаткан болчу. (EBM)