Апта ичиндеги урунттуу окуялардан сүрөт баян.
Апта-маанай (2-9-сентябрь)
1
6-сентябрда АКШнын Түндүк Каролина штатында Демократиялык партиянын курултайында президент Барак Обама ноябрдагы президенттик шайлоого катышыш үчүн талапкердикти кабыл алды.
2
Өзбекстан чек арачылары атып салган Токоман Акматалиевдин сөөгү өзү туулуп-өскөн Найман айылында жерге берилди.
3
Бишкекте мааалымат жыйынын өткөргөн ислам коомдук уюмдары мектептерде кыздар диний ынанымы үчүн кысымга алынып, алардын хижаб кийүүсүнө тыюу салынып жатканын билдирди.
4
4-сентябрда Орусия Федералдык коопсуздук кызматынын академиясында окуган Кыргызстандын алты жараны мушташтан жабыр тартты.
5
"Ата-Журт" партиясынын тарапкерлери карачай тектүү депутат Хажимурат Коркмазовго каршы Бишкекте митинг, Ошто маалымат жыйынын өткөрдү. Алар Коркмазов этностук кастыкты козутту дешип, депутаттык мандатын тапшыруусун талап кылып чыгышты.
6
УКМК Социалдык өнүктүрүү министрлигинин департамент башчысы Гүлнара Дербишеваны пара алган деген шек менен камакка алды.
7
Жогорку Кеңешти таратуу боюнча демилгечи топтун 15тен ашуун өкүлү парламенттин алдына нааразылык акциясына чыкты.
8
3-сентябрда Жогорку Кеңеште үч фракциядан турган «Ырыс алды ынтымак» коалициясы түзүлдү.
9
4-сентябрда Түндүк Каролина штатынын Шарлот шаарында өткөн Демпартиянын курултайында Мишел Обама президент Барак Обаманын дагы төрт жыл президенттик кызматта калышын жалындуу сөзү менен жактап сүйлөдү.
10
Жогорку Кеңеш 5-сентябрдагы жыйынында жаңы өкмөттүн программасын бекитти. Бул чечимди 109 депутат колдосо, бирөө каршы добуш берди.
11
Мурдагы президент Бакиевдин жан-жөкөрлөрүнүн бири, издөө салынган Пайзулла Рахманов Казакстанда кармалды.
