17-сентябрдан тарта Кыргызстандын аймагында эркектердин ден соолугун сактоого багытталган жумалык башталат. Саламаттык сактоо министрлигинин басма сөз кызматынан кабарлашкандай, жумалыктын жүрүшүндө облустагы ооруканаларга кайрылган мырзалар акысыз текшерүүдөн өтө алат. Маалыматка ылайык, өлкөдө эркектердин жашоо узактыгы аялдардыкына салыштырмалуу 7-10 жылга аз. Баласы жок үй-бүлөлөрдүн 40-60 пайызынын негизги көйгөйү эркектердин тукумсуздукка кабылганы болуп саналат. (KKs)
