“Ата Мекен” фракциясынын депутаты Туратбек Мадылбековдун уулу, 14-сентябрда камакка алынган Элдар Мадылбековго карата козголгон кылмыш иши боюнча Башкы прокуратура түшүндүрмө берди. Ал кылмыш ишинин алкагында “Ата-Журт” фракциясынын лидери Садыр Жапаровго да кылмыш иши козголгон. Ал кылмышка кол кабыш кылган деп шектелип жатканын, Жогорку Кеңештен кылмыш жоопкерчилигине тартууга уруксат берүү өтүнүчү жакынкы күндөрү парламентке жөнөтүлөрүн Башкы прокуратуранын ички иликтөөлөр бөлүмүнүн башчысы Каныбек Турдумамбетов маалымат жыйынында билдирди.
