Нью-Йоркто жайгашкан укук коргоочу уюм камактагы жети мугалимди бошотуп, ондогон башка окутуучуларды куугунтуктоону токтотууга чакырган билдирүүнү кечээ жарыялады. Билдирүүдө уюм Иранда аз дегенде 39 мугалим 2009-жылдан бери коопсуздукка байланышкан айыптоолор менен камалганын, бардыгы тең эл аралык мыйзамда каралган сөз эркиндиги жана тынчтык мүнөздө чогулуу эркиндигинен пайдаланышкандыгы үчүн бутага алынгандыгын эскертти. Бул топтон 15 киши кесилип кеткен. Жетөө абакта кала берүүдө.
