5-октябрда кечик саат жетилерде Бишкек-Ош жолун тоскондор 6-октябрда эртең менен саат алтыда ачышты. Жалал-Абадда жол тоскондор камактагы “Ата-Журт” фракциясынын үч депутаты бошотулмайын жол тосула берээрин билдиришти.
Депутаттардын Жалал-Абаддагы тарапкерлери Сузак районуна караштуу Боз-Чычкан участкасында Бишкек - Ош жолун тосушкан болчу. Облустук жол коопсуздук бөлүмү 6-октябрда билдиргендей, жол тосууга 200дөн ашык адам катышып, тосулган жолдун эки тарабында 1200дөй автоунаа токтоп калган. Ал жерден жөө өткөн жүргүнчүлөр болду.
Депутаттардын тарапкерлери 6-октябрда Жалал-Абад облустук администрациясынын алдында митингди улантаарын билдиришти. Ал жерге 5-октябрда эки боз үй тигилген.
3-октябрда Кумтөр кенин улутташтырууга чакырган демонстрациядан кийин "Ата-Журт" фракциясынан депутат Камчыбек Ташиев, Садыр Жапаров жана Талант Мамытов эки айга камакка алынды. (YA)
Депутаттардын Жалал-Абаддагы тарапкерлери Сузак районуна караштуу Боз-Чычкан участкасында Бишкек - Ош жолун тосушкан болчу. Облустук жол коопсуздук бөлүмү 6-октябрда билдиргендей, жол тосууга 200дөн ашык адам катышып, тосулган жолдун эки тарабында 1200дөй автоунаа токтоп калган. Ал жерден жөө өткөн жүргүнчүлөр болду.
Депутаттардын тарапкерлери 6-октябрда Жалал-Абад облустук администрациясынын алдында митингди улантаарын билдиришти. Ал жерге 5-октябрда эки боз үй тигилген.
3-октябрда Кумтөр кенин улутташтырууга чакырган демонстрациядан кийин "Ата-Журт" фракциясынан депутат Камчыбек Ташиев, Садыр Жапаров жана Талант Мамытов эки айга камакка алынды. (YA)
