Литванын Тышкы иштер министрлиги Беларустун Вилнюстагы өкүлүн чакыртып, нааразылык нотасын тапшырды. Түн ичинде белгисиз бирөөлөр Литванын Минсктеги элчилигине Молотов коктейлин ыргыткан. Литванын Беларустагы элчиси Линас Линкевичюс “чабуулдун арты мындан да олуттуу болмок, чоң кырсыктан Кудай сактаптыр” деди. Соода алакалары жакшы болгону менен, эки коңшу өлкө ортосундагы дипломатиялык мамилелер олку-солку болуп келатат.
