Беларуста Улуттук коопсуздук комитетинин (КГБ) облустук кеңсесинин жанындагы жардырууга байланыштуу 3 шектүү адам кармалды. Комитет билдиргендей, кечээ кечинде Витебск шаарында КГБнын имараты алдында колго жасалган чакан бомба жарылган. Андан имараттын айнектери талкаланганы гана маалымдалды. Ал ортодо Гродно шаарынын бийлиги мурда кылмыш жасаган бир адам Минсктин жашоочусуна 14 даана колго жасалаган чакан бомба сатууга аракеттенген жеринен кармалганын маалымдады. Өткөн аптада белгисиз бирөөлөр Литванын Беларустагы элчилигине Молотов коктейлин ыргытышкан.
