Казанда полиция кечээги жардыруу боюнча кылмыш ишин козгоду. Орусиянын тергөө комитетинин өкүлү Андрей Шептицкий журналисттерге айтканына караганда, жардырууда көз жумган 39 жаштагы Алфред Шарафутдинов мурда курал-жарак жана жардыргыч заттарды мыйзамсыз сактагандыгы үчүн соттолгон. “Шарафутдинов исламчыл экстремисттик топтор менен байланышы болгон” деген буга чейинки кабарды Шептицкий жокко чыгарды. Тергөөчүлөр ал киши жанынан кечкен болушу мүмкүн деген версияны да карап жатышканын айтышууда.
