Шаршембиде Sina-7 аскер кемеси Хормуз кысыгына жакын жайгашкан Бендер-Аббас аскер базасында сууга коё берилди. Иранда жасалган Sina-7 кемеден аткылоочу ракеталарга каршы куралданган. Ошондой эле шаршембиде ракеталарды жана торпедолорду бир учурда коё берүүчү Ghadir деп аталган эки субмарина Ирандык аскер флотун толуктады. Ирандын деңиз аскер башчысы Абиболлу Саййяри өлкө өзүнүн чек арасын коргоо үчүн жаңы технологиялар жана сапаттуу каражаттарга ээ болушу керек деп билдирди.(ZKo)