Маркум журналист Мелис Эшимкановдун 50 жылдыгына карата бүгүн Бишкектеги Улуттук филармонияда эки бөлүктөн турган иш-чара өтөт. Эшимканов атындагы фонддон “Азаттыкка” кабарлашкандай, түшкө чейин маркум журналисттин ишмердүүлүгү тууралуу анын кесиптештери, замандаштары катышкан конференция уюштурулат. Түштөн кийинки эскерүү иш-чарасында Эшимканов көзү тирүүсүндө достук мамиледе болгон чыгармачыл чөйрө өкүлдөрү өз өнөр жана чыгармаларын тартуулашат. Кеченин соңунда журналисттер арасында жарыяланган сынактын жыйынтыгы чыгарылат. (KKs)