Политковскаяны өлтүрүүгө катышкан полициячы 11 жылга эркинен ажырады

Орусияда сот журналист Политковскаяны өлтүрүүгө катышкан деп шектелген мурдагы полициячыны 11 жылга эркинен ажыратты.

Москвадагы сот экс-полициячы Дмитрий Павлюченковду журналист Политковскаянын баскан-турганын аңдып кабарлап, ок аткан адамга тапанча бергени үчүн күнөөлүү деп тапты. Соттун бүгүнкү өкүмү менен Павлюченков маркум журналисттин үй-бүлөсүнө 3 миллион рубль төлөп берүүгө да милдеттендирилди.

Анна Политковскаяны өлтүрүүгө тиешеси бар алты киши сот жообуна тартылууда.