Ош шаарынын мэри Мелис Мырзакматов Кыргызстанда акыр заман болот деген айың кептерди соодагерлер таркатып жатат деп билдирди. Шаар мэри мындай пикирин аппараттын кечээки жыйынында айтканын мэриянын басма сөз кызматы бүгүн кабарлады. Мелис Мырзакматов өзгөчө күнүмдүк турмушка керектүү товарларды сатуу менен алектенген соодагерлер ар кыл аңыздарды таркатууга кызыктар деп эсептейт. Мындан улам шаар мэри калк арасында түшүндүрүү иштерин жүргүзүү зарылдыгын белгиледи. (KKs)
